2018 жылы Қостанай облысында "МТЗ маркалы тракторлар мен тоңазытқыш жүйелеріне арналған жабдықтарды құрастыру" жобасы басталды.

«Бест Қостанай» ЖШС ұн тарту кешені облыстық орталықта орналасқан және жоғары сапалы қазақстандық ұнды өндіру бойынша заманауи жетілдірілген комбинат болып табылады.

Жобаның іске қосылуы Қостанай облысы кәсіпкерлікті қолдау картасының аясында жүзеге асырылды.

Өндіріс қуаттылығы жылына 155 мың тонна ұнды құрайтын жобаны іске асыру үшін 754 млн. теңге көлемінде шетелдік инвестициялар (Түркия) тартылды.

Мемлекеттің қолдауы арқасында «Бизнестің жол картасы - 2020» аясында «Жас-Қанат 2006» құс фабрикасы 2007 жылдан 2015 жылға дейін 3 млрд. теңгеден астам инвестицияны тартып, жетілдірудің 3 сатысын өтті.

Қостанай кондитер фабрикасы «Баян Сұлу» АҚ кондитерлік өнімдердің қазақстандық өндірушілерінің көшбасшыларының бірі болып табылады, өзінің саласына 40 жылдан асқан тәжірибесі мен жоғары іскерлік беделіне ие. Бүгінгі таңда «Баян Сұлу» АҚ - Қазақстан Республикасындағы ең үздік кондитерлік кәсіпорындардың бірі. Ол 1700-ден астам адамды жұмыспен қамтамасыз етеді. Зауытта мемлекеттік қолдаудың арқасында өндіріс алаңдары үнемі кеңейіп келеді, өндірістік нысандар іске қосылып, өндіріс пен сатуды ұлғайту үшін жаңа технологиялар енгізілуде, менеджмент жетілдірілуде, жабдық үнемі жаңартылуда. Жаңа жабдықтарды сатып алуға жылдық инвестициялар жылына 1,5-тен 2,0 млрд. Теңгеге дейін.

«СарыарқаАвтоПром» ЖШС Қазақстандағы ең ірі автокөлік өндірісі болып табылады, оның шеңберінде дәнекерлеу, бояу және автомобильдерді құрастыру бойынша жұмыстар жүргізілуде. Қазіргі уақытта JAC, Peugeot, IVECO, ANKAI, Hyundai, Ravon, Chevrolet Niva сияқты брендтер ұсынылған.

«ССТБӨБ» АҚ Eurasian Resources Group (ERG) Еуразиялық тобына кіретін, темір кендері, доломит, әктас, құрылыс қиыршық тасты өңдеу бойынша Қазақстанның ірі қала құраушы кәсіпорны болып табылады.

ССТБӨБ бірлестігіне жұмыс істейтін кеніштер: Сарыбай, Соколов, Қашар, Қоржынкөл, кенді шахта әдісімен өндіретін Соколов жер асты кеніші, Алексеев доломит және Қызыл-Жар әктас карьері кіреді.

Варварин алтынмыс кен орны – Қостанай облысында барланған қорлар бойынша ең ірі кен орны.

Варваринде бірінші Доре құймасы 2007 жылғы желтоқсан айында құйылды. Оның салмағы 12 кг болды.

2014 жылы Қостанайда ұсақ сұрыпты илекті өндіру зауыты - «ЕвразКаспианСталь» пайдалануға енгізілді.

Зауыт үдемелі индустриалды-инновациялық даму бойынша мемлекеттік бағдарламаның аясында құрылды. Бұл бағдарлама эксклюзивтік жобаларға толы, «ЕвразКаспианСталь» зауытына толығымен қатысты. Қазақстанда оған ұқсас зауыт жоқ.